«PTC Holding» өкілдері «Argus. Ақтарылма жүктерді тасымалдау және логистика» халықаралық конференциясы жұмысына қатысты.
Шикізаттық жүктерді тасымалдау, сақтау және логистикалық операциялар мәселелері 2019 жылғы 25-26 қыркүйекте Геленджикте (Краснодар өлкесі) өткен «Argus. Ақтарылма жүктерді тасымалдау және логистика» халықаралық конференциясында талқыланды.
Конференцияға шикізат өндірушілер мен жеткізушілер, сондай-ақ посткеңестік кеңістіктің әртүрлі елдерінен келген көлік-логистика саласының өкілдері қатысты.
Жаңа инфрақұрылымдық жобалар (порттық терминалдар құрылысы) және көмірдің әлемдік бағаларының төмендеуі, осының салдарынан – қатты отын жөнелтудің мөлшерлемелері мен темір жолдардағы саны жағынан ең көп жылжымалы құрам – ашық вагондарды жалға алу мөлшерлемелерінің төмендеуі тақырыптары бойынша пайдалы пікір алмасу болды.
Пікірталастар мен В2В форматындағы кездесулерден тұратын кеңкөлемді іскерлік бағдарламаға қатысудан өзге «PTC Holding» өкілдері Тамань портында «ОТЭКО» компаниясының құрғақ жүктерді жөнелтуге арналған жаңа кешенімен танысты.
