МӨЗ-ДІ ТАБЫСТЫ ЖАҢҒЫРТУ ТӘЖІРИБЕСІ

Транспортно-логистическая
инвестиционная группа компаний
Республики Казахстан

PTC Operator

PTC Cargo

14.10.2019

МӨЗ-ДІ ТАБЫСТЫ ЖАҢҒЫРТУ ТӘЖІРИБЕСІ

«PTC Holding» өкілдері Мәскеу мұнай өңдеу зауытына («Газпромнефть-МНПЗ» АҚ) барды.

«PTC Holding» өкілдері «Argus. Мұнай өнімдерінің нарығы 2019. Ресей және ТМД» 12-халықаралық конференция алаңында өткен Мәскеу мұнай өңдеу зауытына («Газпромнефть-МНПЗ» АҚ) экскурсия аясында мұнай өңдеу өнеркәсібін табысты жаңғырту тәжірибесімен, сондай-ақ кәсіпорынның жаңа экологиялық стандарттарға көшуімен танысты.

«Мәскеу МӨЗ 1938 жылы іске қосылған. Қазіргі уақытта мұнай өңдеудің жылдық көлемі 30 өнім түрі және «Еуро-5» стандартындағы отын шығаруды қоса алғанда 11 млн тоннаны құрайды. Аталған МӨЗ Мәскеу аймағының отын нарығын 35%-ға қамтамасыз етіп отыр және қазір жаңғырту және 2020 жылы іске қосылатын «Еуро+» кешенін салу арқылы кеңейту кезеңінде», – деді экскурсияға қатысушыларға бас директордың өндіріс жөніндегі орынбасары Олег Лазарев.

Оның айтуынша, аталған кешен мұнай өңдеудің жылдық көлемін 12 млн тоннаға дейін арттыруға, авиациялық отын өндірісін 2 есе, қоршаған ортаға әсерін 11%-ға төмендетуге және мөлдір мұнай өнімдерінің бөлінуін 6%-ға арттыруға мүмкіндік береді.

Жалпы алғанда, Мәскеу МӨЗ-нде тұрақты түрде қайта құру мен заманауи қондырғыларды салу – жоғары октанды бензин, түйіршіктелген күкірт, полимермодификаланған битум және сұранысқа ие тұрмыстық газдар өндіруге мүмкіндік береді.

«Мәскеу МӨЗ-нде «Биосфера» биологиялық тазалау имараттарына ерекше назар аударылған. Олар өзен суын тұтыну көлемін 3 есе төмендетіп, 2018 жылы 1 млрд рубль көлемінде экономикалық пайда түсірген. Аталған иммараттарда суды тазалау дәрежесі 99,9%-ды құрайды», – деп мәлімдеді Олег Лазарев.