«PTC Holding» «ARGUS. МҰНАЙ ӨНІМДЕРІНІҢ НАРЫҒЫ 2019. РЕСЕЙ ЖӘНЕ ТМД» 12-халықаралық конференциясына серіктес болды.
2019 жылы ТМД елдерінің мұнай өнімдерінің ішкі және экспорттық нарығының дамуына қатты әсер ететін оқиғалар 10-11 қазанда Мәскеуде өткен «Argus. Мұнай өнімдерінің нарығы 2019. Ресей және ТМД» 12-халықаралық конференциясында талқыланды.
Конференцияға посткеңестік кеңістік елдерінің мұнай өнімдерін негізгі өндірушілері, трейдерлер, көлік компаниялары мен мемлекеттік органдар өкілдері қатысты. «PTC Holding» ЖШС шараға ресми серіктес болса, ал компания өкілдері конференцияның панельдік сессиялары жұмысына қатысты.
Конференцияның басты тақырыптары нарықты жақын болашақта және ұзақмерзімді перспективада қандай өзгерістер күтетіндігі болды. Ресейдің мұнай өңдеу саласының қазіргі жағдайы және перспективалары, сондай-ақ саланы реттеудегі өзгерістер және олардың салдарлары егжей-тегжейлі қаралды.
Пікірталасқа IMO 2020-ның мұнай өнімдері нарығына ықпалы, әлемдік мұнай өнімдері нарығының жағдайы және мұнай өңдеуді дамытудың жаһандық болжамы, нарықтардың болашағы, атап айтқанда мөлдір және қара мұнай өнімдерінің тепе-теңдігі қалай өзгереді деген тағы бір тақырып арқау болды.
Қатысушылар мұнай өнімдері нарығындағы ұзақмерзімдік бәсекелестік элементі ретінде цифрлы технологияларды енгізу мәселелері жөнінде пікір алмасып, жаңа салықтық реалияларды және олардың мұнай өңдеуге әсерін, Ресейдегі салық өзгерістерінің алғашқы қорытындысы және ықтимал өзгертулер, көршілес мемлекеттердің мұнай өнімдері нарықтарын талқылады.
