«PTC Holding» қызметкерлері қашықтықтан жұмыс форматына көшуіне бүгін 23-ші күн. Өндірістік міндеттер қалай шешілуде және бизнес-үдерістерде қиындықтар бар ма, деп жауап берді компанияның ішкі бақылау жөніндегі директоры Шыңғысхан Шакуов.

– Шыңғысхан Жүсіпұлы, коронавирус және карантин холдингтің жұмысын қалай өзгертті?

— «PTC Holding» компаниялар тобының жұмысы штаттық режимде жүріп жатыр. Ұжым жаңа шындыққа – алыстан жұмыс істеуге тез үйренді. Біздің IT-мамандарымыз мұны ең қиын сәттерде де барынша қолдайды. Басты сервермен жұмыс істеу, оның ішінде клиенттермен, үйлесімді жүріп жатыр. Әлемдегі қалыптасқан жағдайға, Covid – 19 таратылуына байланысты, әрине, тасымалдау көлемі төмендеді.

– Өндірістік мәселелерді кеңседе сияқты шеше аласыз ма? Немесе проблемалар бар ма, мүмкін, бірдеңеден бас тартуға тура келді ме?

– Біздің әрбір таңымыз онлайн-конференциядан басталады, онда біз барлық ағымдағы мәселелерді белгілеп, шешеміз. Одан басқа біз әрқашан бір-бірімізбен онлайн байланыстамыз, бұған түрлі бағдарламалар көмектеседі. «Тірі» қарым-қатынастан бас тартуға тура келді, бірақ бизнес ақырында цифрландыру жағына бұрылды. Біз мамандарымыздың кәсібилігі мен құзыреттілігінің арқасында қашықтан жұмыс істей аламыз.